TTD స్పెసిఫైడ్ అథారిటీ చైర్మన్‌గా ముద్దాడ రవిచంద్ర ప్రమాణ స్వీకారం

తిరుమల తిరుపతి దేవస్థానం (TTD) స్పెసిఫైడ్ అథారిటీ చైర్మన్‌గా ముద్దాడ రవిచంద్ర ప్రమాణ స్వీకారం చేశారు. ఈ అవకాశం కల్పించినందుకు ఆయన దేవుడికి, ప్రభుత్వానికి, ముఖ్యమంత్రికి ధన్యవాదాలు తెలిపారు.

ఈ బాధ్యతను ఇంకా పెద్ద బాధ్యతగా భావిస్తున్నానని ఆయన అన్నారు. భక్తుల మనసు దేవుడిపైనే లగ్నమై ఉండేలా అన్ని ఏర్పాట్లు తామే చూసుకుంటామని చెప్పారు.

పిల్లలకు మెరుగైన విద్య అందించాలని ఆయన లక్ష్యంగా పెట్టుకున్నారు. TTD నిర్వహిస్తున్న ఆస్పత్రుల్లో భక్తులకు ఆధునిక చికిత్సతో పాటు మెరుగైన సేవలు అందించాలని ఆయన తెలిపారు. దేశవ్యాప్తంగా TTDకి ఉన్న 65 దేవస్థానాల్లోనూ భక్తులకు అన్ని విధాలుగా సేవలు అందించాలని అనుకుంటున్నట్లు పేర్కొన్నారు.

తాను ప్రస్తుతం నిర్వహిస్తున్న TTD EO పదవికి ఈ పదవి కొనసాగింపే అని ఆయన చెప్పారు. పాత బోర్డు చేసిన మంచి పనులను కొనసాగిస్తూ మరింత మెరుగ్గా చేయాలని కోరుకుంటున్నానని ముద్దాడ రవిచంద్ర తెలిపారు.