నల్గొండ కార్పొరేషన్‌కు భారీ నిధులు.. సూపర్ స్మార్ట్ సిటీగా అభివృద్ధి ప్రణాళికలు

నల్గొండ మున్సిపల్ కార్పొరేషన్ పరిధిలో అభివృద్ధి పనులు వేగవంతం అయ్యాయి. ప్రపంచ బ్యాంకు, కేంద్ర ప్రభుత్వం, రాష్ట్ర ప్రభుత్వం నిధులతో ఈ పనులు చేపడుతున్నట్లు కార్పొరేషన్ అధికారులు తెలిపారు. మున్సిపల్ కార్పొరేషన్ హోదా రావడంతో కేంద్ర ప్రభుత్వ పథకాల ద్వారా నేరుగా నిధులు రావడం ప్రారంభమైంది.

గడియారం సెంటర్ (క్లాక్ టవర్ సెంటర్) ఆధునీకరణకు అర్బన్ ఛాలెంజ్ ఫండ్ ద్వారా ₹197 కోట్లు మంజూరయ్యాయి. ఇక్కడ కాంప్లెక్స్, మల్టీప్లెక్స్, స్కై వాక్‌లు ఏర్పాటు చేయనున్నారు. ఈ ప్రాజెక్టుకు DPR కూడా అందింది. ఈ ప్రాంత అభివృద్ధికి ప్రపంచ బ్యాంకు సహాయం కూడా ఉంది.

బస్ స్టాండ్ అభివృద్ధికి ₹56 కోట్లు కేటాయించారు. పానగల్ చాయ సోమేశ్వరాలయానికి ₹20 కోట్లు మంజూరయ్యాయి. ఈ ఆలయ ప్రాంతాన్ని పర్యాటక కేంద్రంగా అభివృద్ధి చేయాలని ప్రణాళిక ఉంది. సాగర్ రోడ్డును ఆరు లైన్లుగా విస్తరించేందుకు ₹20 కోట్లు ఇచ్చారు.

సాగర్ రోడ్డులో వైఎస్ఆర్ విగ్రహం నుంచి మెడికల్ కాలేజీ చెర్లగౌరారం వరకు ఆరు లైన్ల రోడ్డు పనులు జరుగుతున్నాయి. ఈ రోడ్డుకు డివైడర్, సెంట్రల్ లైటింగ్ ఏర్పాటు చేస్తున్నారు. లతీఫ్ సాహెబ్ గుట్ట, బ్రహ్మం గారి గుట్టలకు ఘాట్ రోడ్డు నిర్మాణం సాగుతోంది.

ప్రతి ఇంటికి నల్లా కనెక్షన్ ఇచ్చి 24 గంటల పాటు తాగునీరు అందించే కార్యక్రమం ఇప్పటికే ప్రారంభమైంది. ఇందిరమ్మ టవర్స్ నిర్మాణం తెలంగాణ రాష్ట్ర గృహ నిర్మాణ సంస్థ ద్వారా జరగనుంది. నగర పరిశుభ్రత కోసం ఆధునిక వెడ్డింగ్ మిషన్లు అందుబాటులోకి వచ్చాయి. కార్పొరేషన్ అధికారిక పోర్టల్ కూడా అందుబాటులో ఉంది. తాజాగా కార్పొరేషన్‌కు స్వచ్ఛ అవార్డు లభించింది.