నల్గొండలో నాలుగు హత్యలు: ఆస్తి తగాదాలే కారణమని పోలీసుల అనుమానం

నల్గొండలో జరిగిన నాలుగు హత్యల కేసులో పోలీసులు కీలక ఆధారాలు సేకరించారు. హసీనా అనే మహిళతో పాటు మరో ముగ్గురిని హత్య చేసిన ఘటనలో కేవలం ఆస్తి తగాదాలే కారణమని పోలీసులు భావిస్తున్నారు.

హసీనా మొదటి భర్త కూతురు, ఆమె భర్త (అల్లుడు) ఈ హత్యల సూత్రధారులుగా ఉండొచ్చని పోలీసులు అనుమానిస్తున్నారు. సొంత కూతురికి ఆస్తి లభించకపోవడంతో, ఆ ఆగ్రహంతో వీరు సుపారి ఇచ్చి నలుగురిని చంపించి ఉండవచ్చని పోలీసులు భావిస్తున్నారు.

ప్రస్తుతం ఆరుగురు అనుమానితులను అదుపులోకి తీసుకొని విచారిస్తున్నారు. మూడు రోజుల తర్వాత ఈ ఘటన వెలుగులోకి రావడం, నాలుగు రోజులుగా ఆధారాలు లభించకపోవడంతో పోలీసులు సవాల్ ఎదుర్కొన్నారు. అయితే ఈరోజు ఆస్తి తగాదాల కోణంలో కీలక లీడ్ లభించింది.

నిందితుల నుంచి కొంత ఒప్పుకోలు వచ్చినట్లు సమాచారం ఉంది. ఈ రోజు సాయంత్రం లోపు పూర్తి వివరాలు వెల్లడిస్తామని జిల్లా ఎస్పి శరత్ చంద్ర తెలిపారు.