రాజమండ్రిలో దీపావళి బాణసంచా షాపులకు క్యూలు, ఆర్ట్స్ కాలేజ్ మైదానంలో 70 స్టాళ్లు

దీపావళి సందర్భంగా రాజమండ్రి ఆర్ట్స్ కాలేజ్ మైదానంలో బాణసంచా షాపులు ఏర్పాటు చేశారు. ఇక్కడ దాదాపు 70 స్టాళ్లు విక్రయాలు చేస్తున్నాయి. ఉదయం నుంచే కొనుగోలుదారులు క్యూ కడుతున్నారు.

తుఫాను ప్రభావం నుంచి కొంత తేరుకున్న ఉమ్మడి తూర్పు గోదావరి జిల్లా ప్రజలు దీపావళి సంబరాలకు సిద్ధమవుతున్నారు. నిన్నటి వరకు విక్రయాలు మందగించాయి. ఈరోజు షాపులన్నీ కిక్కిరిసిపోయాయి. మరో గంటలో రద్దీ ఇంకా పెరుగుతుందని వ్యాపారులు చెప్తున్నారు.

ప్రమాదాలు జరగకుండా అధికారులు ముందస్తు జాగ్రత్తలు తీసుకున్నారు. మున్సిపల్ కమిషనర్, జిల్లా ఎస్పీ ఆదేశాలతో ఏర్పాట్లు పూర్తి చేశారు. ప్రతి షాపు వద్ద ఇసుక, ట్రాక్టర్లను సిద్ధంగా ఉంచారు. అగ్నిమాపక సిబ్బంది, ఫైర్ ఇంజిన్‌ను అక్కడే మోహరించారు. పోలీసులు బందోబస్తు నిర్వహిస్తున్నారు.

ఈసారి కొత్త రకాల బాణసంచా వస్తువులు కూడా వచ్చాయి. పిల్లల కోసం ప్రత్యేక items షాపుల్లో ఉన్నాయి. స్థానికంగా ఉన్న ప్రజలంతా ఉదయం నుంచే కొనుగోలుకు చేరుకుంటున్నారు.