నటుడు రాజేష్ శర్మ ఆరోగ్యంపై కీటకం కాటు వదంతులు: సహాయకుడి వివరణ

హైదరాబాద్ లోని రామోజీ ఫిల్మ్ సిటీలో ప్రభాస్ నటిస్తున్న 'ఫౌజీ' చిత్ర షూటింగ్ సందర్భంగా నటుడు రాజేష్ శర్మ ఆసుపత్రి పాలయ్యారు. ఆయనకు విషపూరిత పురుగు కాటు వేసిందని సోషల్ మీడియాలో వార్తలు ప్రచారం అయ్యాయి.

అయితే ఈ వార్తలు అవాస్తవమని రాజేష్ శర్మ పీఏ సుభాషిష్ పాండా స్పష్టం చేశారు. ఆయన విడుదల చేసిన వీడియోలో మాట్లాడుతూ, రాజేష్‌కు ఎలాంటి ఇన్ఫెక్షన్ లేదని, షుగర్ వల్ల కాలు కొద్దిగా వాచిందని వివరించారు. ప్రస్తుతం ఆరోగ్యం నిలకడగా ఉందని, ఒకటి రెండు రోజుల్లో ఆసుపత్రి నుంచి డిశ్చార్జ్ అవుతారని పేర్కొన్నారు. హైదరాబాద్ లో ఇలాంటి సంఘటనే జరగలేదని, కొందరు స్వార్థంతో తప్పుడు వార్తలు వ్యాప్తి చేస్తున్నారని పాండా హెచ్చరించారు.

హను రాఘవపుడి దర్శకత్వంలో తెరకెక్కుతున్న ఈ చిత్రం ప్రస్తుతం హైదరాబాద్ లో చిత్రీకరణ జరుపుకుంటోంది. త్వరలో టీజర్ విడుదల చేసి సినిమా విడుదల తేదీ ప్రకటించనున్నట్లు నిర్మాతలు తెలిపారు.