RC17 కోసం రామ్ చరణ్ లుక్ మారుతుందా? సుకుమార్ సినిమా కోసం బరువు తగ్గిస్తున్నాడు

సుకుమార్ దర్శకత్వంలో రామ్ చరణ్ నటిస్తున్న చిత్రం RC17. ఈ సినిమా కోసం ఆయన లుక్ ఇంకా మారలేదు. ప్రస్తుతం ఆయన పెద్ది సినిమా కోసం పెంచుకున్న లాంగ్ హెయిర్, గడ్డంతోనే కనిపిస్తున్నాడు.

చిత్రం లాంఛనంగా ప్రారంభమైంది. సెట్స్ పైకి వెళ్లేందుకు సన్నాహాలు జరుగుతున్నాయి. అయినా రామ్ చరణ్ లుక్ లో మాత్రం మార్పు కనిపించలేదు.

పెద్ది కోసం రామ్ చరణ్ బాడీ బిల్డప్ చేసుకుని బరువు పెంచుకున్నారు. ఇప్పుడు RC17 కోసం బరువు తగ్గించుకుంటున్నారు. దాదాపు ఎనిమిది కిలోల బరువు తగ్గే పనిలో ఉన్నారు. బరువు తగ్గుతున్నా హెయిర్ స్టైల్, గడ్డం లుక్ ఇంకా మారలేదు.

రంగస్థలం తర్వాత సుకుమార్, రామ్ చరణ్ కలిసి చేస్తున్న రెండో చిత్రం ఇది. తన సినిమాల్లో హీరో లుక్ ను ప్రత్యేకంగా మార్చడం సుకుమార్ కు పేరు తెచ్చిపెట్టింది. గత చిత్రంలో గుబురు గడ్డంతో కనిపించిన రామ్ చరణ్ లుక్ ప్రత్యేకంగా నిలిచింది.

ఇటీవల జరిగిన ఓ మ్యూజిక్ ఈవెంట్ కు హాజరైన రామ్ చరణ్ ఇప్పటికీ పెద్ది లుక్ లోనే కనిపించారు. కొన్ని సంవత్సరాలుగా ఇదే లుక్ కొనసాగుతోంది. దీంతో కొత్త లుక్ ఎప్పుడు వస్తుందన్న ఆసక్తి ఉంది. RC17 లో ఆయన లుక్ ఎలా ఉంటుందన్నది ఇంకా అధికారికంగా ప్రకటన రాలేదు.