గాయని ఎస్. జానకి మృతిపై శ్రీ గణపతి సచ్చిదానంద స్వామి సంతాపం

గాయని ఎస్. జానకి మృతిపై అవధూత దత్త పీఠం సంతాపం వ్యక్తం చేసింది. శ్రీ గణపతి సచ్చిదానంద స్వామి ఆమెను గంధర్వ లోకానికి చెందిన ఆత్మగా అభివర్ణించారు. ఉత్తమ గతి కలగాలని దత్తాత్రేయ స్వామిని ప్రార్థిస్తున్నట్లు తెలిపారు.

జానకి స్వామీజీపై అపార భక్తి, శ్రద్ధ కలిగి ఉండేవారు. వేటూరి సుందర్రామమూర్తి రచించిన స్వామి స్తుతి గీతాన్ని ఆలపించి, స్వామికి సేవలు అందించారు. ఆమె పాడిన ఆ పాటలు భక్తులలో ఇప్పటికీ ప్రాచుర్యంలో ఉన్నాయి.

స్వామీజీ మాట్లాడుతూ, జానకి లక్షలాది పాటలు పాడిన గొప్ప గాయని అని గుర్తు చేశారు. ఆమె ఒక దశలో మైసూరుకు వచ్చి స్థిరపడిందని, అప్పుడప్పుడు ఆశ్రమానికి వచ్చి ప్రదక్షిణ చేసి, సుఖవనం, హనుమంతుడి విగ్రహం చూసి వెళ్ళేదని చెప్పారు.

ఎస్పీ బాలసుబ్రహ్మణ్యం, బాలమురళీకృష్ణ కూడా ఆ పాటలను గానం చేశారని, వారంతా ఇప్పుడు గంధర్వ లోకానికి చేరుకున్నారని స్వామి పేర్కొన్నారు. జానకి వంటి గొప్ప గాయని మళ్లీ జన్మించాలని ఆకాంక్షించారు.