విద్యార్థులపై పోలీసుల చర్యకు ప్రధాని క్షమాపణ చెప్పాలని ఎంపీ వంశీ కృష్ణ డిమాండ్

పెద్దపల్లి ఎంపీ గడ్డం వంశీ కృష్ణ ప్రధాని మోదీ, హోం మంత్రి అమిత్ షా విద్యార్థులకు క్షమాపణ చెప్పాలని డిమాండ్ చేశారు. ఢిల్లీలో నిరసన ప్రదర్శనలో ఆయన మాట్లాడుతూ, ఆందోళనలో పాల్గొన్న విద్యార్థులపై పోలీసులు లాఠీచార్జ్, టియర్ గ్యాస్, పెల్లెట్ గన్లు ప్రయోగించడం దారుణమని విమర్శించారు.

'ఆందోళన చేసిన విద్యార్థులు ఉగ్రవాదుల కాదు. వారిపై ఇలాంటి చర్యలు సరికాదు' అని ఎంపీ అన్నారు. గతంలో గ్లోబరీనా వంటి సంస్థలతో మాజీ మంత్రి కేటీఆర్‌కు సంబంధాలున్నాయని, దీంతో విద్యార్థులు ఆత్మహత్యలు చేసుకున్నారని ఆరోపించారు.

ఎన్టీఏ, గ్లోబరీనా వంటి సంస్థల పాలనా వ్యవస్థ మారాలని, అప్పుడే విద్యార్థుల భవిష్యత్తు బాగుంటుందని ఆయన పేర్కొన్నారు.