నిర్మల్ జిల్లా: వర్షాల కోసం ప్రత్యేక పూజలు చేసిన కదిలీ గ్రామస్థులు

నిర్మల్ జిల్లా దిలావర్పూర్ మండలం కదిలీ గ్రామంలో గ్రామస్థులు వర్షాల కోసం ప్రత్యేక పూజలు నిర్వహించారు.

శ్రీ మాతాన్నపూర్ణ కదిలే పాప హరేశ్వర స్వామి ఆలయంలో జరిగిన ఈ పూజల్లో పండితుల మంత్రోచ్చారణల మధ్య పవిత్ర గోదావరి జలంతో స్వామివారికి జలాభిషేకం చేశారు. గర్భగుడిలో నీరు నింపి నీరాజనం సమర్పించారు.

వర్షాలు సమృద్ధిగా కురవాలని, చెరువులు నిండాలని, పాడిపంటలు పుష్కలంగా పండాలని భక్తులు ప్రార్థించారు. ఈ ప్రత్యేక పూజలు ప్రతి ఏడాది నిర్వహించడం సంప్రదాయంగా వస్తోందని గ్రామస్థులు తెలిపారు. గ్రామంలోని చిన్న పెద్ద అందరూ ఈ కార్యక్రమంలో పాల్గొన్నారు.