ఎల్నినో నేపథ్యంలో సోయా సాగుపై ఆదిలాబాద్ శాస్త్రవేత్తల కీలక సూచనలు

ఎల్నినో ప్రభావంతో ఈ ఏడాది వర్షపాతం తక్కువగా నమోదవుతుందని వాతావరణ నిపుణులు హెచ్చరిస్తున్నారు. ఈ పరిస్థితుల్లో ఆదిలాబాద్ జిల్లా రైతులకు సోయా పంట యాజమాన్యంపై ఆదిలాబాద్ వ్యవసాయ పరిశోధన స్థానం శాస్త్రవేత్త డాక్టర్ రాజశేఖర్ కీలక సూచనలు చేశారు.

ఖరీఫ్‌లో పత్తి తర్వాత సోయా వేసే రైతులు పంట మార్పిడి పద్ధతి పాటించాలని ఆయన సూచించారు. పత్తి, సోయా పంటలను ప్రత్యామ్నాయంగా సాగు చేయడం వల్ల చీడపీడలను నివారించవచ్చని తెలిపారు. తక్కువ వర్షాలు కురిసే అవకాశం ఉన్నందున 90 రోజుల్లో చేతికొచ్చే జేఎస్ 9305 వంటి రకాలను ఎంచుకోవాలన్నారు.

నీటిని నిలుపుకునే బోదేసాల పద్ధతి లేదా BBF పద్ధతిలో సాగు చేస్తే భూమిలో తేమ ఎక్కువ కాలం ఉండి మొక్క పెరుగుదలకు ఉపయోగపడుతుందని డాక్టర్ రాజశేఖర్ వివరించారు. విత్తనాల నాణ్యతను ముందే తెలుసుకోవడానికి 100 గింజల మొలక శాతం పరీక్షను ట్రే లేదా పేపర్ పద్ధతిలో చేసుకోవాలని సూచించారు.

విత్తన శుద్ధి మందులు, రైజోబియం కల్చర్ వాడకం వల్ల మొలక శాతం పెరగడంతోపాటు చీడపీడల నుంచి రక్షణ లభిస్తుందన్నారు. ఎరువుల విషయంలో విత్తిన 10 రోజుల్లోపు ఎకరాకు 25 కిలోల యూరియా, 40 కిలోల బాసర ఎరువు, 25 కిలోల పొటాష్ తప్పనిసరిగా వేయాలని, పొటాష్ వేయకపోతే కాండపు తొలిసి పురుగు ఆశించే ప్రమాదం ఉందని హెచ్చరించారు.