సంధ్య థియేటర్ తొక్కిసలాట కేసు: నాంపల్లి కోర్టుకు హాజరైన అల్లు అర్జున్

నటుడు అల్లు అర్జున్ సంధ్య థియేటర్ తొక్కిసలాట కేసులో ఇవాళ నాంపల్లి కోర్టుకు హాజరయ్యారు. ఆయనకు కోర్టు సమన్లు జారీ చేయగా, వ్యక్తిగతంగా హాజరు కావాల్సిందేనని న్యాయస్థానం స్పష్టం చేసింది.

ముంబైలో షూటింగ్ ఉన్నందున ఆన్లైన్ విచారణకు అనుమతించాలని అల్లు అర్జున్ కోర్టును అభ్యర్థించారు. కానీ కోర్టు దానిని తిరస్కరించింది. దీంతో ఆయన నేరుగా కోర్టుకు హాజరయ్యారు.

చిక్కట్పల్లి పోలీసులు దాఖలు చేసిన చార్జ్ షీట్లో 23 మందిని నిందితులుగా చేర్చారు. వీరిలో సంధ్య థియేటర్ యాజమాన్యం ప్రధాన నిందితులుగా ఉన్నారు. A1 నుండి A10 వరకు థియేటర్ యాజమాన్యాన్ని నిందితులుగా పేర్కొన్నారు. అల్లు అర్జున్ విషయంలో A1 గా చార్జ్ షీట్ రూపొందించారు.

ఈ చార్జ్ షీట్‌ను ఇంతకుముందు కోర్టు మూడుసార్లు తిరిగి పంపింది. తర్వాత తప్పులను సరిచేసి అధికారులు తిరిగి సమర్పించారు. ఇటీవల చార్జ్ షీట్‌ను పరిశీలించిన నాంపల్లి కోర్ట్ ప్రాథమిక ఆధారాలను బట్టి 19 మంది నిందితులకు సమన్లు జారీ చేసింది. కేసులో తదుపరి విచారణ కొనసాగనుంది.