AP EAPCET ఫలితాలు విడుదల: ఇంజనీరింగ్‌లో మణిదీప్, అగ్రికల్చర్‌లో జస్వంత్ నాయుడు టాపర్లు

AP EAPCET ఫలితాలను మంత్రి నారా లోకేష్ శనివారం విడుదల చేశారు. ఇంజనీరింగ్ విభాగంలో తాడేపల్లికి చెందిన జొన్నాల రోషన్ మణిదీప్ రెడ్డి 95.6975% మార్కులతో ప్రథమ స్థానంలో నిలిచారు. అగ్రికల్చర్ అండ్ ఫార్మసీ స్ట్రీమ్‌లో విజయనగరం జిల్లా బొబ్బిలికి చెందిన సంబంగి జస్వంత్ నాయుడు 92.5398% మార్కులతో టాపర్‌గా నిలిచారు.

ఇంజనీరింగ్ స్ట్రీమ్‌లో మొత్తం 2,76,572 మంది దరఖాస్తు చేసుకోగా, 2,58,545 మంది పరీక్ష రాశారు. వీరిలో 82,317 మంది ఉత్తీర్ణత సాధించారు. ఉత్తీర్ణత శాతం 70.52%గా నమోదైంది.

అగ్రికల్చర్ అండ్ ఫార్మసీ స్ట్రీమ్‌లో 79,231 మంది అప్లై చేయగా, 70,929 మంది ఎగ్జామ్ రాశారు. క్వాలిఫై అయిన వారి సంఖ్య 63,546. ఈ స్ట్రీమ్‌లో ఉత్తీర్ణత శాతం 89.59%గా ఉంది.

మంత్రి లోకేష్ ఉత్తీర్ణులైన విద్యార్థులకు శుభాకాంక్షలు తెలిపారు. ఈ ఫలితాలు రాష్ట్ర విద్యారంగానికి ఉత్సాహాన్నిస్తాయని చెప్పారు.