ఏపీ మంత్రి గుమ్మడి సంధ్యారాణి ఆరోగ్యం నిలకడగా ఉంది: డీహైడ్రేషన్‌తో అస్వస్థత

ఏపీ గిరిజన సంక్షేమ శాఖ మంత్రి గుమ్మడి సంధ్యారాణి ప్రయాణంలో అస్వస్థతకు గురయ్యారు. ఓ ప్రభుత్వ కార్యక్రమంలో పాల్గొనేందుకు సాలూరు నుంచి పార్వతీపురం వెళ్తున్న సమయంలో ఆమెకు నీరసంగా ఉన్నట్లు తెలిసింది.

ఆమెను సమీపంలోని ఓ ప్రైవేటు ఆసుపత్రికి తరలించి చికిత్స అందించారు. వైద్యులు పరీక్షించగా, ఎండ తీవ్రత వల్ల డీహైడ్రేషన్ కావడంతో బీపీ తగ్గినట్లు గుర్తించారు. ప్రస్తుతం మంత్రి ఆరోగ్యం నిలకడగా ఉందని, ఎలాంటి ఆందోళన అవసరం లేదని వైద్యులు స్పష్టం చేశారు.

కొన్ని రక్త పరీక్షలు చేయించారు. నివేదికలు వచ్చిన తర్వాత పూర్తి వివరాలు వెల్లడిస్తామని వైద్యులు తెలిపారు. ఈ రోజు సాయంత్రం 6-7 గంటల సమయంలో డిశ్చార్జ్ చేస్తామని వారు చెప్పారు.