అయోధ్య రామమందిరంలో రూ.79.85 లక్షల విరాళాల చోరీ; 8 మంది అరెస్టు

అయోధ్య రామమందిరం ట్రస్టుకు చెందిన విరాళాల లెక్కింపు కేంద్రంలో రూ.79.85 లక్షల నగదు చోరీ జరిగినట్టు ప్రత్యేక దర్యాప్తు బృందం (SIT) విచారణలో తేలింది.

మే 6 నుంచి జూన్ 14 మధ్య 40 రోజుల్లోనే ఈ చోరీ జరిగిందని అధికారులు గుర్తించారు. నిందితులు సీసీటీవీ కెమెరాలను గమనించి, కెమెరాల ముందు నిలబడి నగదు తీసుకున్నట్టు దర్యాప్తులో బయటపడింది. నోట్ల కట్టలను దుస్తులు, బ్యాగులలో దాచి బయటకు తరలించినట్టు అధికారులు వెల్లడించారు.

ఈ కేసులో ఇప్పటివరకు 8 మందిని అరెస్టు చేశారు. అరెస్టైన వారిలో నగదు లెక్కించే సిబ్బంది, భద్రతా సిబ్బంది, విశ్వ హిందూ పరిషత్ (VHP) నేత చంపత్‌రాయ్ వ్యక్తిగత డ్రైవర్ ఉన్నారు.

పోలీసులు నిందితుల నుంచి పెద్ద మొత్తంలో నగదు స్వాధీనం చేసుకున్నారు. చోరీ చేసిన డబ్బును వ్యక్తిగత ఖర్చులకు వినియోగించినట్టు విచారణలో తేలింది.

ఈ ఘటన నేపథ్యంలో ఆలయ ట్రస్టు నగదు లెక్కింపు విధానాన్ని సమీక్షించాలని నిర్ణయించింది. సీసీటీవీ నిఘా బలోపేతం, కొత్త భద్రతా చర్యల అమలు చేపట్టనున్నట్లు సమాచారం. మిగతా నిందితుల పాత్రపై SIT దర్యాప్తు కొనసాగుతోంది.