పంజాబ్ సీఎం భగవంత్ మాన్ ‘సిలికాన్ జెల్’ వీడియో డిఫెన్స్‌పై Arnab Goswami తీవ్ర విమర్శ

పంజాబ్ ముఖ్యమంత్రి భగవంత్ మాన్‌పై వచ్చిన ఒక వివాదాస్పద వీడియో ఆయనది కాదని, ఒక నటుడిని పెట్టి దాన్ని రీక్రియేట్ చేశారన్న పంజాబ్ ప్రభుత్వం వివరణపై రిపబ్లిక్ టీవీ ఎడిటర్-ఇన్-చీఫ్ అర్నబ్ గోస్వామి తీవ్ర విమర్శలు చేశారు. ఆ వీడియోలో కనిపించిన వ్యక్తి తాను కాదని, నటుడి ముఖానికి సిలికాన్ జెల్ ప్లాస్టర్ వేసి తనలా కనిపించేలా చేశామని భగవంత్ మాన్ పక్షం చెప్పినట్లు వార్తలు వచ్చాయి. అయితే ఈ వాదనను అర్నబ్ గోస్వామి తీవ్రంగా ఖండించారు. ‘ఇది అత్యంత తెలివితక్కువ పని. మీరు ఒక నటుడిని పెట్టి, మీరు కాదని చెప్పే వీడియోను రీక్రియేట్ చేయించి, ఆ నటుడికి సిలికాన్ జెల్ వేసి ఉందని చెబుతున్నారు. అసలు ఈ వీడియో ఎక్కడి నుంచి వచ్చింది? మీరు మీ మీదే స్టింగ్ ఆపరేషన్ చేసుకుంటున్నారా?’ అని ఆయన ప్రశ్నించారు. ఈ ఘటనను అర్నబ్ స్టూపిడెస్ట్ థింగ్‌గా అభివర్ణించారు. తాను మద్యం సేవించినట్లు వైరల్ అయిన వీడియోపై ఇలాంటి డిఫెన్స్‌తో మాన్ ప్రభుత్వం మరింత వివాదంలో చిక్కుకుంది. పంజాబ్ సీఎం కార్యాలయం నుంచి దీనిపై ఎలాంటి అధికారిక ప్రకటన రాలేదు.