ములుగు బొగత జలపాతం నిండుగా ప్రవహిస్తోంది: పర్యాటకుల రద్దీ, భద్రత హెచ్చరికలు

ములుగు జిల్లాలోని బొగత జలపాతం ఇటీవల ఎగువ ప్రాంతాల్లో కురిసిన భారీ వర్షాలతో నిండుగా ప్రవహిస్తోంది. దీంతో ప్రకృతి సౌందర్యాన్ని చూసేందుకు పర్యాటకులు పెద్ద సంఖ్యలో తరలివస్తున్నారు.

చీకులపల్లి ఫాల్స్ అని కూడా పిలిచే ఈ జలపాతం, ములుగు జిల్లా చీకుపల్లి అటవీ ప్రాంతంలో ఉంది. ఇది కాళేశ్వరం-భద్రాచలం అడవుల మధ్యన ఉండగా, నీరు 30 నుంచి 50 అడుగుల ఎత్తు నుంచి ప్రవహించి కింద పెద్ద కొలనుగా ఏర్పడుతుంది.

ప్రవాహం బాగా పెరగడంతో జలపాతంలో జలకాలాడుతూ, సహజ అందాలను ఆస్వాదిస్తున్నారు. అయితే ఈ సీజన్‌లో సరైన వర్షాలు లేకపోవడంతో జలపాతానికి సాధారణ స్థాయి రావడం ఆలస్యమైంది.

పర్యాటకుల సంఖ్య పెరుగుతున్నా, కనీస మౌలిక సదుపాయాలు కూడా ఏర్పాటు కాలేదని సందర్శకులు ఆవేదన వ్యక్తం చేస్తున్నారు. వాష్‌రూమ్‌లు, రెస్ట్‌రూమ్‌లు వంటి వసతులు కల్పించాలని కోరుతున్నారు.

ఆదివారం మరింత జనం రావొచ్చని భావించి పోలీసులు ప్రత్యేక ఏర్పాట్లు చేస్తున్నారు. నీటి ప్రవాహం ఎక్కువగా ఉండటంతో ప్రమాదకర ప్రదేశాల్లోకి వెళ్లొద్దని అధికారులు సూచించారు. పర్యాటకులు అప్రమత్తంగా ఉండి జాగ్రత్తలు పాటించాలని హెచ్చరించారు.