స్వర్ణాంధ్ర-2047 కార్యక్రమంలో సీఎం చంద్రబాబు నాయుడు ప్రసంగం

తిరుపతిలో జరిగిన స్వర్ణాంధ్ర-2047 ఎకనామిక్ ఇంటెలిజెన్స్ ఫర్ గవర్నెన్స్ కార్యక్రమంలో ముఖ్యమంత్రి చంద్రబాబు నాయుడు ప్రసంగించారు. ఈ సందర్భంగా తన పూర్వ అనుభవాలను గుర్తు చేసుకున్నారు.

1995లో తాను మొదటిసారి ముఖ్యమంత్రిగా ఉన్నప్పుడు విజన్ 2020 డాక్యుమెంట్‌ను తయారు చేశానని, అప్పట్లో చాలా మంది విమర్శించారని చంద్రబాబు చెప్పారు. ఆ తర్వాత మాజీ రాష్ట్రపతి అబ్దుల్ కలామ్ కూడా తన వద్దకు వచ్చి జాతీయ స్థాయి విజన్ డాక్యుమెంట్ తయారీకి సలహా తీసుకున్నారని తెలిపారు.

బిల్ గేట్స్‌తో జరిగిన సమావేశం గురించి కూడా ప్రస్తావించారు. తొలుత రాజకీయ నాయకులతో పనిచేయడం ఇష్టం లేదని గేట్స్ వదిలించుకోవాలని చూశారని, అయితే 15 నిమిషాల సమయం తీసుకుని తన దృష్టిని ప్రదర్శించాక గేట్స్ ఒప్పుకున్నారని వివరించారు. చివరకు హైదరాబాద్‌లో మైక్రోసాఫ్ట్ డెవలప్‌మెంట్ సెంటర్ ఏర్పాటుకు ఒప్పించగలిగానని చెప్పారు.