తెలంగాణ, ఏపీలో మూడు రోజుల పాటు ఉరుములు, మెరుపులతో భారీ వర్ష సూచన: IMD హెచ్చరిక

బంగాళాఖాతంలో ఏర్పడిన అల్పపీడనం బలపడింది. దీని ప్రభావంతో తెలంగాణ, ఆంధ్రప్రదేశ్ రాష్ట్రాల్లో వర్షాలు కురిసే అవకాశం ఉందని భారత వాతావరణ శాఖ (IMD) తెలిపింది.

హైదరాబాద్ వాతావరణ కేంద్రం సమాచారం ప్రకారం, రాబోయే మూడు రోజుల పాటు తెలంగాణలో ఉరుములు, మెరుపులతో కూడిన వర్షాలు కురుస్తాయి. IMD పలు జిల్లాలకు హెచ్చరిక జారీ చేసింది.

ఆంధ్రప్రదేశ్ విపత్తుల నిర్వహణ సంస్థ తెలిపిన వివరాల ప్రకారం, అల్పపీడనం ప్రభావం ఉత్తరాంధ్ర జిల్లాలపై తీవ్రంగా ఉంటుంది. శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు, విశాఖపట్నం జిల్లాల్లో పిడుగులతో కూడిన భారీ వర్షాలు పడే అవకాశం ఉంది. కోస్తా, రాయలసీమ ప్రాంతాల్లోనూ పలుచోట్ల ఉరుములు, మెరుపులతో వర్షాలు కురిసే అవకాశం ఉందని అధికారులు తెలిపారు.