పార్లమెంట్ సెషన్ వ్యూహంపై జగన్ ఎంపీలతో సమావేశం

YSRCP అధ్యక్షుడు, మాజీ ముఖ్యమంత్రి వైఎస్ జగన్మోహన్ రెడ్డి తన పార్టీ ఎంపీలతో పార్లమెంటరీ పార్టీ సమావేశం నిర్వహించారు. ఢిల్లీలోని YSRCP కేంద్ర కార్యాలయంలో జరిగిన ఈ సమావేశానికి లోక్‌సభ సభ్యులు అవినాష్ రెడ్డి, మిథున్ రెడ్డి, గురుమూర్తి, తనూజ రాణి, రాజ్యసభ సభ్యులు వైవి సుబ్బారెడ్డి, గొల్ల బాబూరావు, మేడా రఘునాథ్ రెడ్డి హాజరయ్యారు.

రానున్న పార్లమెంట్ సమావేశాల్లో అనుసరించాల్సిన వ్యూహంపై ఈ భేటీలో చర్చించినట్లు సమాచారం. ముఖ్యంగా డీలిమిటేషన్, మహిళా రిజర్వేషన్ బిల్లులపై YSRCP వైఖరిని ఖరారు చేసే అవకాశం ఉంది. గత సెషన్‌లో ఈ రెండు బిల్లులకు పార్టీ మద్దతు తెలిపింది. డీలిమిటేషన్‌లో రాష్ట్రాలకు అన్యాయం జరగకుండా చూడాలని YSRCP అప్పట్లో డిమాండ్ చేసింది.

ఈ సమావేశంలో ఏపీలో శాంతి భద్రతల సమస్యలను, సాయి కృష్ణ, క్రాంతి కుమార్ వంటి కేసులను పార్లమెంటులో ప్రస్తావించే విషయంపై కూడా చర్చించే అవకాశం ఉన్నట్లు పార్టీ వర్గాలు తెలిపాయి. సమావేశం ముగిసిన అనంతరం లోపల జరిగిన చర్చ వివరాలు వెల్లడయ్యే అవకాశం ఉంది.