కేటీఆర్ విమర్శ: కేసీఆర్ హయాంలో రూ.2.8 లక్షల కోట్లే అప్పు, ఆర్బీఐ గణాంకాలనూ చూపారు

బీఆర్ఎస్ నాయకుడు కేటీఆర్ తెలంగాణ కాంగ్రెస్ ప్రభుత్వ అప్పుల వ్యవహారంపై విమర్శలు చేశారు. కేసీఆర్ నేతృత్వంలో గత పదేళ్లలో రాష్ట్రం చేసిన అప్పు రూ.2.8 లక్షల కోట్లు మాత్రమేనని ఆర్బీఐ గణాంకాలు చెబుతున్నాయని ఆయన అన్నారు.

పార్లమెంటులో బీజేపీ ఎంపీ అడిగిన ప్రశ్నకు కేంద్ర ప్రభుత్వం ఇచ్చిన సమాధానంలో ఈ లెక్కలు వెల్లడయ్యాయని కేటీఆర్ తెలిపారు. కాంగ్రెస్ ప్రభుత్వం మాత్రం రూ.8 లక్షల కోట్ల అప్పు అని అబద్ధాలు ప్రచారం చేస్తోందని ఆరోపించారు.

కాంగ్రెస్ ప్రభుత్వం ఇప్పటివరకు రూ.4 లక్షల కోట్ల అప్పు చేసిందని, అయినా రైతుబందు, పెన్షన్ పంపిణీ, నిరుద్యోగ భృతి వంటి హామీలను నెరవేర్చలేదని విమర్శించారు. ప్రభుత్వం సమాధానం చెప్పే ధైర్యం లేదని, సర్కస్ నడుపుతోందని ఆయన అన్నారు. కేటీఆర్ విమర్శలపై తెలంగాణ ప్రభుత్వం స్పందన తెలియాల్సి ఉంది.