వికసిత్ వైబ్రెంట్ విలేజ్-2026: యువతతో ప్రధాని మోదీ మాటామంతి; సరిహద్దు గ్రామాల ప్రాధాన్యత నొక్కి చెప్పారు

ప్రధాని నరేంద్ర మోదీ 'వికసిత్ వైబ్రెంట్ విలేజ్-2026' కార్యక్రమంలో యువతతో మాట్లాడారు. సరిహద్దు గ్రామాలను దేశపు తొలి గ్రామాలుగా చూడాలనీ, వాటి అభివృద్ధి తమ లక్ష్యమని ఆయన చెప్పారు.

గత ప్రభుత్వాలు సరిహద్దు గ్రామాలను నిర్లక్ష్యం చేశాయని, రోడ్లు, కరెంటు, ఫోన్ కనెక్టివిటీ లేకుండా ఉండేవని మోదీ పేర్కొన్నారు. తమ ప్రభుత్వం ఈ గ్రామాలకు ప్రాధాన్యత ఇచ్చి మౌలిక వసతులు కల్పించిందని వివరించారు. రైతుల ఉత్పత్తులు మార్కెట్లకు చేరుతున్నాయని, రోజువారి కార్యక్రమాలు కొనసాగుతున్నాయని ఆయన తెలిపారు.

యువత వర్చువల్ ప్రపంచం నుంచి బయటకు వచ్చి గ్రామీణ భారతాన్ని ప్రత్యక్షంగా చూడాలని ఆయన పిలుపునిచ్చారు. ఈ సందర్భంగా హిమాచల్ ప్రదేశ్ లోని చాంగో గ్రామానికి చెందిన నికిత, అక్కడ మౌలిక వసతులు గణనీయంగా మెరుగుపడ్డాయని తెలిపారు. ఉత్తరప్రదేశ్, చిత్తూరు, అండమాన్ నికోబార్ లకు చెందిన యువత కూడా తమ అనుభవాలు పంచుకున్నారు.

జూన్ 4 నుంచి 30 వరకు రెండు దశల్లో నిర్వహించిన ఈ కార్యక్రమం లడాక్, హిమాచల్ ప్రదేశ్, ఉత్తరాఖండ్ లోని 74 సరిహద్దు గ్రామాల్లో జరిగింది. ప్రధాని మోదీ 2016 దీపావళికి చాంగో ప్రాంతాన్ని సందర్శించిన విషయాన్ని గుర్తు చేసుకున్నారు.