జనసేన నాయకులు కనీసం 10 మెంబర్షిప్‌లు చేయాలి: పవన్ కల్యాణ్

జనసేన పార్టీ నాయకులు మెంబర్షిప్ డ్రైవ్ విషయంలో నిర్లక్ష్యంగా వ్యవహరిస్తున్నారని పవన్ కల్యాణ్ విమర్శించారు. పదవులు తీసుకున్న నాయకులు కనీసం 10 మంది మెంబర్షిప్‌లు చేయలేకపోతున్నారని ఆందోళన వ్యక్తం చేశారు.

పార్టీ ఇన్‌చార్జ్‌లతో కలిసి పని చేయాలని కార్యకర్తలకు పవన్ కల్యాణ్ స్పష్టం చేశారు. ఇన్‌చార్జ్‌ బయటి పార్టీ నుంచి వచ్చినా, పార్టీ అంతర్గతంగా ఎదిగిన వ్యక్తి అయినా సరే, వారితో కలిసి పని చేయడం తప్పనిసరి అని చెప్పారు.

నాయకులుగా ఎదగాలంటే మొహమాట పడకుండా పని చేయాలని పవన్ కల్యాణ్ హెచ్చరించారు. కనీసం 10 మెంబర్షిప్‌లు కూడా చేయలేని వారు నాయకులుగా ఎలా ఎదుగుతారని నేరుగా ప్రశ్నించారు.