జపాన్ నుంచి 10 ట్రిలియన్ యెన్ పెట్టుబడుల లక్ష్యం: ప్రధాని మోదీ

జపాన్ నుండి భారత్‌కు వచ్చే పెట్టుబడులను భారీగా పెంచాలని ప్రధాని నరేంద్ర మోదీ పిలుపునిచ్చారు. రాబోయే 10 సంవత్సరాలలో జపాన్ పెట్టుబడులు 10 ట్రిలియన్ యెన్ మార్కును దాటాలని, భారతదేశంలో కార్యకలాపాలు నిర్వహిస్తున్న జపనీస్ కంపెనీల సంఖ్య కూడా రెట్టింపు కావాలని ఆయన లక్ష్యంగా పేర్కొన్నారు. ప్రస్తుతం భారత్లో దాదాపు 1,400 జపనీస్ కంపెనీలు ఉన్నాయని, వీటిని 2,800కు పెంచాలని ఆయన సూచించారు. జపాన్ అనేది భారత్కు అత్యంత విశ్వసనీయమైన భాగస్వాముల్లో ఒకటి. ఇప్పటికే జపాన్ సంస్థలు దేశంలోని మౌలిక సదుపాయాలు, తయారీ రంగాలు, బుల్లెట్ రైలు ప్రాజెక్టు వంటి కీలక ప్రాజెక్టుల్లో పెట్టుబడులు పెడుతున్నాయి. ఆంధ్రప్రదేశ్, తెలంగాణలో కూడా జపాన్ సహకారంతో పారిశ్రామిక కారిడార్లు, నగరాభివృద్ధి ప్రాజెక్టులు జరుగుతున్నాయి. మోదీ ప్రస్తావనతో రెండు దేశాల మధ్య ఆర్థిక సంబంధాలు మరింత బలపడనున్నాయి. జపాన్ నుంచి అదనపు పెట్టుబడులు వస్తే, భారత్లో ఉద్యోగ కల్పనకు, పారిశ్రామిక వృద్ధికి ఊతమివ్వనుంది. ఈ లక్ష్యాలను సాధించేందుకు రెండు దేశాలు సంయుక్తంగా పనిచేయాలని ప్రధాని నొక్కి చెప్పారు.