కాకినాడ జిల్లాలో థార్ గ్యాంగ్ కదలికలపై పోలీసులు అప్రమత్తం

కాకినాడ జిల్లాలో థార్ గ్యాంగ్ కదలికలతో పోలీసులు అప్రమత్తమయ్యారు. ఈ గ్యాంగ్ ఇటీవల రాజానగరం, ఏలూరు ప్రాంతాల్లో ఇళ్లలో చోరీలకు పాల్పడిందని పోలీసులు తెలిపారు.

ప్రస్తుతం ఈ ముఠా జగ్గంపేట పరిసరాల్లో మకాం వేసిందన్న సమాచారంతో నిఘా పెంచారు. దొంగల వద్ద ఆయుధాలు ఉన్నాయనే విశ్వసనీయ సమాచారం మేరకు పోలీసులు తుపాకులతో రాత్రి గస్తీ నిర్వహిస్తున్నారు.

ఎస్పీ ఆదేశాల మేరకు కాకినాడ జిల్లా వ్యాప్తంగా తుని, అన్నవరం, పెద్దాపురం, సామర్లకోట, కాకినాడ ప్రాంతాల్లో ఆర్మ్డ్ పార్టీలతో గస్తీ చేస్తున్నారు. ఎవరైనా అనుమానాస్పద కదలికలు గమనిస్తే వెంటనే పోలీసులకు సమాచారం ఇవ్వాలని అధికారులు కోరారు.