ప్రముఖ గాయని ఎస్. జానకి అంత్యక్రియలు మైసూర్‌లో ప్రభుత్వ లాంచనాలతో ముగింపు

ప్రముఖ గాయని ఎస్. జానకి (88) అంత్యక్రియలు మైసూర్ సమీపంలోని కనియర హుండి గ్రామంలోని ఆమె ఫామ్‌హౌస్‌లో ప్రభుత్వ లాంచనాలతో ముగిశాయి.

ఆమె పార్థివదేహాన్ని సంతాప సందర్శనం కోసం మైసూరులోని మహారాజా కాలేజ్ గ్రౌండ్‌లో ఉంచారు. ఉదయం నుంచి సాయంత్రం వరకు సినీ, రాజకీయ ప్రముఖులు, భారీ సంఖ్యలో అభిమానులు తరలివచ్చి నివాళులు అర్పించారు.

బ్రాహ్మణ సాంప్రదాయంలో అంతిమ సంస్కారాలను జానకి మనవరాలు అప్సరా నిర్వహించారు. 'ఆమె దయగల, సున్నితమైన వ్యక్తి. జంతువులను ఇష్టపడేవారు. చాలా ఒదిగి ఉండేవారు' అని ఆమె గుర్తుచేసుకున్నారు.

కన్నడ సీఎం డీకే శివకుమార్ జానకి మరణంపై సంతాపం తెలిపారు. భారతీయ సంగీతానికి ఆమె చేసిన సేవ అపారమని కొనియాడారు. ఆమె పేరు చిరస్థాయిగా నిలిచే చర్యలపై తన సహచరులతో, చిత్ర పరిశ్రమతో చర్చిస్తానని తెలిపారు.

జానకి ఈ నెల 14న (శనివారం) మైసూరులోని ఓ ప్రైవేటు ఆస్పత్రిలో గుండెపోటుతో మరణించారు. కొన్నాళ్ల క్రితం ఆమె కుమారుడు మురళీకృష్ణ అమెరికాలో మరణించారు. ఆ బాధతో తీవ్ర మనోవేదనకు గురైన ఆమె అనారోగ్యం కూడా బారినపడ్డారు.

సుమారు 60 ఏళ్ల కెరీర్లో జానకమ్మ తెలుగు, తమిళం, కన్నడ, మలయాళం సహా పలు భాషల్లో వేలాది పాటలు పాడారు. వివిధ ప్రాంతీయ, జాతీయ అవార్డులు అందుకున్నారు.