రేవంత్ రెడ్డి వ్యాఖ్యలపై బీజేపీ నేత షెహజాద్ పూనావాలా ఆగ్రహం

హైదరాబాద్: తెలంగాణ ముఖ్యమంత్రి రేవంత్ రెడ్డి ఇటీవల చేసిన వివాదాస్పద వ్యాఖ్యలపై బీజేపీ జాతీయ ప్రతినిధి షెహజాద్ పూనావాలా తీవ్ర స్థాయిలో విమర్శలు చేశారు. ప్రపంచంలోనే అతిపెద్ద ప్రజాస్వామ్య పార్టీ అధ్యక్షుడిగా నితిన్ నవీన్ అనే వ్యక్తిని పేర్కొంటూ రేవంత్ ఎగతాళి చేశారని, బీజేపీ నేతలను క్రష్ చేస్తానని బెదిరించారని పూనావాలా ఆరోపించారు.

'మోహబ్బత్ కి దుకాన్' అనే ఇమేజ్‌కు భిన్నంగా రేవంత్ దమ్మున్న భాయ్‌లా వ్యవహరిస్తున్నారని వ్యాఖ్యానించిన పూనావాలా, జర్నలిస్టులు, యువత, విద్యార్థులను నగ్నంగా చేసి కొట్టేస్తామని కూడా ఆయన హెచ్చరించారని పేర్కొన్నారు. రేవంత్ రెడ్డి హిట్లర్ నుంచి ప్రేరణ పొందుతాననే ప్రకటన చేశారని, ఇప్పుడు ఇందిరా గాంధీని ప్రేరణగా చెప్పుకుంటున్నారని పూనావాలా గుర్తుచేశారు.

అంతేకాకుండా, రేవంత్ మమతా బెనర్జీని ఉద్దేశించి చేసిన వ్యాఖ్యలపైనా ఆయన విమర్శలు కురిపించారు. 'ఇది బెంగాల్ కాదు, మమత బెనర్జీలా బలహీనం కాదు' అని రేవంత్ అన్నారని, తద్వారా మమతను అవమానించారని పూనావాలా ఆరోపించారు. ఇండియా కూటమి సమావేశాలకు మమతను ఆహ్వానించడం ఒకవైపు, మరోవైపు అదే వ్యక్తిని అవమానించడాన్ని ప్రశ్నించిన పూనావాలా, ఈ కూటమిలో ఐక్యత లేదని ఉద్ఘాటించారు.

రేవంత్ రెడ్డి వ్యాఖ్యలు ఇటీవల అధికార, ప్రతిపక్ష పార్టీల మధ్య రాజకీయ ఉద్రిక్తతలను మరింత పెంచాయి. కాగా, ఈ ఆరోపణలపై రేవంత్ రెడ్డి కార్యాలయం నుంచి ఎలాంటి స్పందన రాలేదు.