ఇరాన్ సంక్షోభం నుంచి నిష్క్రమించేందుకు ట్రంప్ ప్రణాళిక: వాల్ స్ట్రీట్ జర్నల్

ఇరాన్తో ఉద్రిక్తతలు అనుకున్నదానికంటే సంక్లిష్టంగా మారడంతో అమెరికా అధ్యక్షుడు డొనాల్డ్ ట్రంప్ సురక్షిత నిష్క్రమణ ప్రణాళికను సిద్ధం చేస్తున్నారని వాల్ స్ట్రీట్ జర్నల్ నివేదించింది. ఇరాన్తో ఒప్పందం కుదరకపోయినా, హార్ముజ్ జల సంధిలో నౌకా రాకపోకలను ఇరాన్ పునరుద్ధరిస్తే యుద్ధంలో అమెరికా గెలిచినట్లు ప్రకటించుకునే అవకాశం ఉందని ఆ నివేదిక పేర్కొంది.

అమెరికాలో మూడు నెలల తర్వాత మధ్యంతర ఎన్నికలు రానుండగా, పెట్రోల్ ధరలు భారీగా పెరగడంతో యుద్ధం ముగిసిందని అమెరికన్లను ఒప్పించేందుకు శ్వేత సౌధం ప్రయత్నిస్తోందని వెల్లడైంది. యుద్ధాన్ని శాశ్వతంగా ముగించడం, నౌకా దిగ్బంధనాన్ని ఎత్తివేయడంతో పాటు అమెరికా సైన్యాన్ని గల్ఫ్ నుంచి పూర్తిగా ఉపసంహరించుకోవాలని ఇరాన్ డిమాండ్ చేస్తోంది. అలాగే తమపై ఉన్న ఆంక్షల ఎత్తివేత, స్తంభింపచేసిన ఆస్తుల విడుదల, నష్టపరిహారం చెల్లింపు కూడా ఇరాన్ షరతులుగా ఉన్నాయి.

ఇజ్రాయిల్ అమెరికా సహాయం లేకుండానే ఇరాన్పై ఏకపక్ష దాడులకు సిద్ధమవుతోందన్న ప్రచారం జరుగుతున్న నేపథ్యంలో, ఉద్రిక్తతలను తగ్గించుకోవాలని వాషింగ్టన్ ఒత్తిడి చేస్తోందని అమెరికన్ మీడియా తెలిపింది.