వెనాటు భూకంపం ముందు గూగుల్ హెచ్చరిక ఎలా పనిచేసింది?

వెనాటు (ప్రశాంత మహాసముద్ర ద్వీప దేశం) లో ఇటీవల సంభవించిన భూకంపానికి ముందు, అక్కడి నివాసితుల ఆండ్రాయిడ్ ఫోన్లకు గూగుల్ నుండి అలర్ట్ మెసేజ్‌లు వచ్చాయి. ఆ మెసేజ్‌లో భూకంపం తీవ్రత, దూరం వంటి వివరాలు ఉన్నాయి. కొందరు వాటిని X (ట్విట్టర్) లో షేర్ చేశారు.

స్మార్ట్‌ఫోన్లలో ఉండే యాక్సిలరోమీటర్ సెన్సార్ ఈ అలర్ట్ సిస్టమ్‌లో కీలకం. ఈ సెన్సార్ ఫోన్ దిశను గుర్తించడంతో పాటు, స్వల్ప భూప్రకంపనలను కూడా గుర్తించగలదు. భూకంపానికి కొన్ని సెకన్ల ముందు వచ్చే ప్రారంభ తరంగాలను ఫోన్ గ్రహించినప్పుడు, ఆ సమాచారాన్ని గూగుల్ సర్వర్‌లకు పంపుతుంది.

ఒకటి కంటే ఎక్కువ ఆండ్రాయిడ్ ఫోన్ల నుండి ఇలాంటి డేటా వచ్చినప్పుడు, గూగుల్ దాన్ని క్రాస్‌చెక్ చేసి కన్ఫర్మ్ చేసుకుంటుంది. అప్పుడు, ఆ ప్రాంతంలోని ప్రజలందరికీ భూకంప హెచ్చరిక సందేశం పంపుతుంది. ఈ మెసేజ్ లో భూకంపం సంభవించే ప్రాంతం, తీవ్రత, భద్రతా సూచనలు కూడా ఉంటాయి.

ఈ విధానం ఆండ్రాయిడ్ భూకంప హెచ్చరికల వ్యవస్థ (Android Earthquake Alerts System) కింద పనిచేస్తుంది. వెనాటులో జరిగిన ఈ ఘటన, ఈ సాంకేతికత ఎంత ఉపయోగకరమో చూపించింది.