వరంగల్ కోట చుట్టూ బోటింగ్ కోసం కాలువ పనులు మొదలు

వరంగల్ కోట చుట్టూ బోటింగ్ సౌకర్యం కోసం కాలువ పనులు మొదలయ్యాయి. కాకతీయుల కాలంనాటి ఈ కోటకు చారిత్రక ప్రాధాన్యత ఉంది. కోట చుట్టూ పూడిపోయిన అగడ్తను తవ్వి నీటితో నింపి అక్కడ పడవలు నడపాలని లక్ష్యం.

కాకతీయులు 800 ఏళ్ల క్రితం శత్రువుల నుంచి రక్షణ కోసం కోట చుట్టూ ఏడు రక్షణ గోడలు, పెద్ద అగడ్త నిర్మించారు. ప్రస్తుతం మూడు రక్షణ గోడలు మాత్రమే ఉన్నాయి. మిగిలినవి కాలక్రమంలో కూలిపోయాయి. ఇప్పుడు మట్టికోట, రాతికోట మధ్య ఉన్న అగడ్తను పూర్తిగా తవ్వుతున్నారు.

ఈ ప్రాజెక్ట్‌కు ₹2.5 కోట్లు ఖర్చు అవుతుంది. పనులు ఆరునెలల్లో పూర్తవుతాయని అధికారులు చెప్పారు. పూర్తయితే దేశ విదేశాల నుంచి యాత్రికులు వస్తారని స్థానికులు ఆశిస్తున్నారు. కోటలో పడిపోయిన రాతికోట భాగాలను రిపేర్ చేయడం, పాత బావులు, చెరువులను అభివృద్ధి చేయడం కూడా ప్రణాళికలో ఉన్నాయి.

వచ్చే ఏడాది నాటికి కోట చుట్టూ పడవ శికారు చేసే అవకాశం ఉంటుంది. కాకతీయ వారసత్వాన్ని చూసేందుకు మరింత మంది టూరిస్టులు రావొచ్చని భావిస్తున్నారు.