AI డిమాండ్ కారణంగా స్మార్ట్‌ఫోన్లు, ల్యాప్‌టాప్‌ల ధరలు భారీగా పెరుగుదల

AI, డేటా సెంటర్ల డిమాండ్ కారణంగా మెమొరీ చిప్‌ల ధరలు విపరీతంగా పెరగడంతో స్మార్ట్‌ఫోన్లు, ల్యాప్‌టాప్‌ల ధరలు గణనీయంగా పెరిగాయి. దీంతో అమ్మకాల పరిమాణం తగ్గుతోంది. డిసెంబర్ 2025 నుంచి మొబైల్ ఫోన్ల సగటు అమ్మకం ధర 20 శాతం, ల్యాప్‌టాప్‌ల ధర 15 నుంచి 25 శాతం వరకు పెరిగినట్లు డీలర్ చెక్‌లు, IDC, కౌంటర్‌పాయింట్ డేటా వెల్లడిస్తోంది. ఎంట్రీ లెవల్ ఫోన్‌ల ధరలు పెరగడంతో మొబైల్ ఫోన్‌ల అమ్మకాల పరిమాణం 12 నుంచి 15 శాతం, ల్యాప్‌టాప్‌ల అమ్మకాలు 16 నుంచి 18 శాతం తగ్గే అవకాశం ఉంది. 2027 లో కూడా ఈ ధరల పెరుగుదల కొనసాగుతుందని అంచనా. వినియోగదారుల ప్రవర్తనను గమనిస్తే రూ.10,000 లోపు ఫోన్ల అమ్మకాలు 42 శాతం పడిపోయాయి. రూ.10,000 నుంచి రూ.20,000 సెగ్మెంట్‌లో 6 శాతం, రూ.30,000 పైన 10 శాతం పెరుగుదల కనిపించింది. సెకండ్ హ్యాండ్ ఫోన్లు, ల్యాప్‌టాప్‌లకు డిమాండ్ పెరుగుతోంది. ధరల పెరుగుదలకు ప్రధాన కారణం RAM ధరలు డిసెంబర్ 2025 తో పోలిస్తే 4 రెట్లు పెరగడమే. AI, డేటా సెంటర్ల డిమాండ్ వల్ల చిప్ మార్కెట్‌లో సప్లై కొరత ఏర్పడింది. డాలర్ బలపడటం, గల్ఫ్ యుద్ధం కూడా ఇన్‌పుట్ కాస్ట్‌లపై ఒత్తిడి పెంచాయి. మొబైల్ ఫోన్ తయారీ ఖర్చులో RAM వాటా 45 శాతం, ల్యాప్‌టాప్‌లలో 35 నుంచి 38 శాతం ఉండటం గమనార్హం. రెడింగ్టన్, డిక్సన్ టెక్నాలజీస్‌కు ఇది ప్రతికూలం కాగా, సెకండ్ హ్యాండ్ ఫోన్లు తయారు చేసే G&G ఎలక్ట్రానిక్స్‌కు అనుకూలం.