భోగాపురం విమానాశ్రయానికి APSRTC ఎలక్ట్రిక్ బస్సులు సిద్ధం

భోగాపురం ఎయిర్‌పోర్ట్‌కు ప్రయాణికుల రాకపోకల కోసం APSRTC ఎలక్ట్రిక్ బస్సులు సిద్ధమవుతున్నాయి. అధికారుల ప్రకారం, 3 బస్సులు విశాఖ స్టీల్ ప్లాంట్ డిపోకు ఇప్పటికే చేరాయి. మరో 20 బస్సులు ఈ నెల 20వ తేదీలోగా అందుబాటులోకి వస్తాయని వారు తెలిపారు.

రెండు మార్గాలలో గాజువాక నుంచి భోగాపురం వరకు ఈ బస్సులు నడపాలని APSRTC యోచిస్తోంది. NAD గురుద్వారా వెంకోజిపాలెం UDA పార్క్ వద్ద ప్రయాణికుల కోసం లాంజ్ ఏర్పాటు చేస్తారు.

భోగాపురం ఎయిర్‌పోర్ట్ ప్రారంభోత్సవంతో పాటు ఈ ఎలక్ట్రిక్ బస్సులను కూడా ప్రధాన మంత్రి నరేంద్ర మోదీ, ముఖ్యమంత్రి చంద్రబాబు నాయుడు ప్రారంభించనున్నట్లు అధికారులు తెలిపారు.