భారత్-జపాన్ మధ్య AI ఒప్పందం, తొలి రక్షణ సహ-అభివృద్ధి ఒప్పందం

భారత ప్రధాని నరేంద్ర మోదీతో జరిపిన ఉన్నతస్థాయి చర్చల అనంతరం జపాన్ ప్రధాని శుక్రవారం పలు కీలక ఒప్పందాలపై సంతకాలు చేశారు. ఇరు దేశాల మధ్య కృత్రిమ మేధస్సు (AI)పై సంయుక్త ప్రకటన వెలువడింది. రక్షణ రంగంలో తొలిసారిగా సహ-అభివృద్ధి ఒప్పందం కుదిరింది. ఇందులో భాగంగా నావల్ రేడియో యాంటెన్నా ప్రాజెక్టును భారత్, జపాన్ సంయుక్తంగా నిర్మించనున్నాయి.

ఆర్థిక భద్రత విభాగంలో చిప్స్, క్వాంటం కంప్యూటింగ్, అధునాతన పదార్థాల వంటి రంగాలను కవర్ చేసే సంయుక్త రోడ్‌మ్యాప్‌ను ఆమోదించారు. 'నెక్స్ట్ జనరేషన్ మొబిలిటీ భాగస్వామ్యం' కింద షిప్ బిల్డింగ్, విమానయానం, లాజిస్టిక్స్ రంగాల్లో సహకారానికి అంగీకారం కుదిరింది. బ్యాటరీలు, అణు ఇంధనం, గ్రీన్ హైడ్రోజన్ రంగాల్లో సహకారం కొనసాగించాలని కూడా నిర్ణయించారు.

జపాన్ నుంచి భారత్‌కు రానున్న దశాబ్దంలో 10 లక్షల కోట్ల యెన్ పెట్టుబడులు వచ్చేలా లక్ష్యంగా పెట్టుకున్నట్లు సమాచారం. దేశంలోని జపనీస్ కంపెనీల సంఖ్యను రెట్టింపు చేయాలని భారత్ భావిస్తోంది. ఈ ఒప్పందాలతో ఇరు దేశాల మధ్య వాణిజ్య, సాంకేతిక సంబంధాలు మరింత బలోపేతం కానున్నాయి.