పవన్ కళ్యాణ్ త్వరగా కోలుకోవాలంటూ రామతీర్థం ఆలయంలో ప్రత్యేక పూజలు

విజయనగరం జిల్లా రామతీర్థం ఆలయంలో నెల్లిమర్ల ఎమ్మెల్యే లోకం నాగమాధవి ఆధ్వర్యంలో డిప్యూటీ సీఎం పవన్ కళ్యాణ్ త్వరగా కోలుకోవాలని ప్రత్యేక పూజలు, అర్చనలు నిర్వహించారు.

ఇటీవల ముంబైలో పవన్ కళ్యాణ్ భుజానికి శస్త్ర చికిత్స జరిగింది. ఆ శస్త్ర చికిత్స విజయవంతమైన నేపథ్యంలో ఆయన సంపూర్ణ ఆరోగ్యంతో ఉండాలని, తిరిగి ప్రజాసేవలోకి రావాలని కోరుతూ ఈ పూజలు జరిపారు.

ఈ సందర్భంగా నెల్లిమర్ల నియోజకవర్గానికి చెందిన జనసేన నాయకులు, జనసైనికులు, వీర మహిళలు పెద్ద సంఖ్యలో పాల్గొన్నారు. పవన్ కళ్యాణ్ ఆయురారోగ్యాలతో ఉండాలని, ఆయనకు దిష్టి తగలకుండా ఉండాలని వారు ప్రార్థించారు.

ఈ సందర్భంగా ఎమ్మెల్యే లోకం నాగమాధవి మాట్లాడుతూ, పవన్ కళ్యాణ్ త్వరగా కోలుకొని మళ్లీ ప్రజల మధ్యకు రావాలని ఆకాంక్షిస్తున్నట్లు తెలిపారు. నెల్లిమర్ల ప్రజల ఆశీస్సులతో ఆయన ఆరోగ్యం పుంజుకుంటుందని ఆశాభావం వ్యక్తం చేశారు.