సింహాచలంలో వరద పాయస ఉత్సవం వైభవంగా జరిగింది

సింహాచలం క్షేత్రంలోని వైకుంఠవాసుల మెట్టపై వరద పాయస ఉత్సవాన్ని నిర్వహించారు. వర్షాలు సక్రమంగా కురిసి పంటలు బాగా పండాలన్న ఉద్దేశంతో ఈ పూజలు జరిగాయి.

ఆలయ అర్చకులు వైకుంఠ నారాయణుడికి అభిషేకాలు, అర్చనలు నిర్వహించారు. అక్కడే పాయసం వండి స్వామికి నివేదించారు. అనంతరం ఆ పాయసాన్ని ఆలయం వెనుక ఉన్న పొర్లు బండపై నుంచి పారబోసారు. భక్తులు ఈ పాయసాన్ని ప్రసాదంగా స్వీకరించారు.

ఈ సందర్భంగా వేద పండితులు విరాట పర్వం, వరుణసూక్త పారాయణం చేశారు. ఏటా సింహగిరిపై సువృష్టి వర్షాలు కురవాలన్న సంకల్పంతో ఈ ఉత్సవాన్ని నిర్వహిస్తామని అర్చకులు తెలిపారు. ఆలయ అధికారులు, భక్తులు ఈ కార్యక్రమంలో పాల్గొన్నారు.