విశాఖలో వెంకయ్య నాయుడు ‘నాయకుడు’ పుస్తక ఆవిష్కరణ; Article 370 విషయంలో తన పాత్ర గురించి వ్యాఖ్య

విశాఖపట్నంలో మాజీ ఉపరాష్ట్రపతి ఎం. వెంకయ్య నాయుడు రాజకీయ, ప్రజా జీవిత ప్రస్థానాన్ని ప్రతిబింబించే ‘నాయకుడు’ పుస్తకం ఆవిష్కరించారు.

ఈ కార్యక్రమంలో ఏపీ శాసనసభ స్పీకర్ అయ్యన్న పాత్రుడు, హోం మంత్రి వంగలపూడి అనిత, ఎంపీలు భరత్ కలిశెట్టి, అప్పల నాయుడు, టీడీపీ రాష్ట్ర అధ్యక్షుడు పల్లా శ్రీనివాసరావు, ఏపీ బీజేపీ అధ్యక్షుడు మాధవ్ తదితరులు పాల్గొన్నారు.

మాట్లాడిన వెంకయ్య నాయుడు, తొలుత ఉపరాష్ట్రపతి పదవి తీసుకోవడానికి ఇష్టపడలేదని, అయితే రాజ్యసభను సమర్థంగా నిర్వహించడానికి చైర్మన్ కావాలన్న సూచనతో అంగీకరించానని వివరించారు.

ఆర్టికల్ 370 బిల్లును పార్లమెంట్లో ఆమోదించడంలో తనవంతు బాధ్యతలు నిర్వర్తించానన్నారు. ఆ సమయంలో కాంగ్రెస్ సభ్యులు గైర్హాజరవ్వగా, బీఎస్పీ మద్దతు ప్రకటించిందని, సమాజ్ వాదీ పార్టీ అసంతృప్తిగా ఉందని గుర్తుచేసుకున్నారు.

ఉపరాష్ట్రపతి పదవి తర్వాత రాజకీయాల్లో మళ్లీ పోటీ చేయాలనే ఆలోచన లేదని, తాను రిటైర్ అయినా అలసిపోలేదన్నారు. యువతలో స్ఫూర్తి నింపేందుకు దేశవ్యాప్తంగా పర్యటిస్తున్నానని వెంకయ్య నాయుడు తెలిపారు.